Arunachal : CM hoin hydropower project dinhmun thlir

Arunachal Pradesh chief minister Pema Khandu hoin Steering Committee chuan an state chhunga hydropower project hrang hrangte dinhmun an thlir ho.

Meeting-ah hian sokar top official-te bakah, CPSUs, NHPC Ltd., SJVN Ltd., NEEPCO leh THdC India Ltd. hruaitute an tel a, heng PSU kuta dah hydropower project 13-te chungchang chu an thlurbing bik a ni. Heng project hrang hranga investment hi Rs vbc nuai khat chuang nia chhut a ni. Union power ministery aiawhin Joint Secretary (Hydro), Government of India, Mohammad Afzal a tel bawk.

Chief Minister chuan an state-in economy, development leh industrialisation lama hma an sawnna turin hydropower a pawimawh tih a sawi a, stakeholder hrang hrangte chu project 13-te hman theiha peihfel a nih thuai theihna tura thawh hona ṭha nei turin a chah. "A kaihhnawih department leh Deputy Commissioner zawng zawngte chu clearance siam chungchangahte sorkar lam aṭanga tihkhawtlai sak ngai lo tura hma la turin ka hrilh a ni. Hydropower hi kan state sum lak luhna atan pawh a pawimawh a, project hrang hrangte hi tluang leh chak taka thawh an nih theihna tura kan beih a ngai a ni," tiin a sawi.