Nagaland-in school hawn hmanhmawh lo

Nagaland state department of school education chuan hripui leng mekah  naupangte himna an ngaih pawimawh thu sawiin, hei vang hian school hawn pawh hmanhmawh an tum lo tih an sawi. 

Principal director of school education, Shanavas C chuan chanchinbu mite a kawmnaah, hri leng chungchanga state chhung dinhmunte chu department-in ngun taka a zirchian tur thu leh, Ministry of Home Affairs (MHA) guideline siamte an nghah hnuah, school hawn tur chungchangah chu an la ngaihtuah dawn chauh thu a sawi. Hemi rual hian September 24 thleng online class chu kalpui chhunzawm a ni dawn a, a ṭul dan azirin pawhsei pawh a la ni mai theih thu a sawi bawk.