Assam Speaker-in House Committee din tum leh lo

Assam Assembly Speaker Pranab Kumar Gogoi-a'n state Public Works Department (PWD) te hnathawh chhe lutuk chhuichiang tura House Committee a din tur thu a sawi hnuah a thusawi chu a sût leh a, PWD chuan hna a thawh ṭhat thu a sawi.

"PWD te chhui chiang tura House Committee din ka tum chu ka sût leh a, committee din tur chungchang chu kan sawi ho hnuah tun dinhmunah din a ṭul rih lo a ni," a ti.

"PWD hian a tlangpuiin hna a thawk ṭha a, Assam state pumah kawngpui eng emaw zat a siam tawh a ni," tiin Speaker Gogoi chuan a sawi bawk.

"Kawngpui project ṭhenkhat chu hnathawh ṭan theih a nih hnuin kum khat dawn te chawlhsan a ni a, hnathawhna senso hniam lutuka tender chhuah hian hna thawh a tihchhiat phah bawk. Hnathawktute hna pe tawh lo tura dan ringawt chu harsatna chinfelna a ni lo a, hei vang hian a ṭobul aṭanga chhui turin House Committee ka din dawn a ni. Tun dinhmun­ah eng tin nge PWD te kan rin theih ang?" tiin Speaker Gogoi chuan House Committee din a tum thu a sawichhuah ṭumin a sawi a, mahse a thusawi hi a sût leh ta a ni.