Assam Budget session ṭan dawn

Vawiin aṭang hian Assam Legislative Assembly Budget Session ṭan a ni dawn a, August 12 thleng neih a ni ang. Kum 2016-17 Budget chu July 26 khian pharh a ni ang.

Budget Session neih tur chungchangah hian Assam chief minister Sarbananda Sonowal chuan Assembly Speaker leh Minister pawimawh te a lo titipui tawh a ni. Budget Session neih turah hian State chhunga Oil Field lilam chungchang te, chhiah lak tihpun chungchang leh All India Institute Of Medical Science dinna hmun tur chungchanga Raha khaw mipuiten duhlohna an lantir te chuan boruak a siam hle tura ngaih a ni.

Session-ah hian Bud-get Advisory Committee report ngaihthlak a nih dawn bakah, Assembly Committee member chungchang te leh Budget chungchangah te general discussion neih a ni ang. Assembly leh Secretariat complex-ah te venhimna khauh taka ken kawh a ni dawn a, Assembly complex-ah hian CrPC Section 144 chu hman a ni dawn a ni.