Enforcement Department-in Assam Agri deptt lakah thubuai siam

Enforcement directorate (ED) chuan cheng vaibelchhe 3000 chingpen vangin Assam agriculture department lakah thubuai a siam.

ED senior official chuan he thu hi sawiin, state Criminal Investigation Department (CID)-ah thubuai hi ziahluh a ni, a ti a, hetihlai hian sum tam tham tak chingpen a nih avangin ED chuan a tualchhung unit te pawh sum chingpen dan chhui chiang turin a hriattir bawk, a ti.

Assam-a NGO pakhat- Assam Public Works chuan sum chingpen chungchangah hian agriculture department lakah FIR a thehlut a, CID chuan thubuai a ziak­lut a ni. Sorkar laipui­in Rashtriya Krishi Vigyan Yojana leh Bringing Green Revolution to Eastern India scheme kaltlanga Agriculture department hnena fund a pek chu tihchingpen a ni, tiin FIR chuan a tarlang.

Assam Public Works chuan Assam Agriculture department sum tihchingpen hi chhuichiantir turin Prime Minister Narendra Modi leh Union Agriculture Minister Radha Mohan Singh te hnenah ngenna an lo thlen tawh bawk.