MPF-in Meghalaya-a Congress sorkar ban phut

Meghalaya-a eptu party ṭangrual, Meghalaya People's Front (MPF) chuan Chief Minister Mukul Sangma-a kaihhruai rorellai Congress sorkar chu ban an phut thu Governor K N Tripathi hnenah an thlen.

MPF chuan Congress sorkar chu house-a rorelna an kalpui danah India danpui zawm loah an puh bakah Deputy Speaker Sanbor Shullai chu March 23 khan ban luihtir a ni, an ti a, March 25-a Speaker A T Mondal fiah a nih dawnin Chief Minister Mukul chuan a nupui chu 'Panel of Chairmen'-ah a ruat bawk tiin an sawi.

Eptu hruaitu, MPF president Donkupar Roy chuan Governor Tripathi hnena ngenna a thlenah rorellai Congress sorkar chu democracy kalphung palzutah a puh bawk a, Speaker Mondal laka no confidence motion an putluh vanga fiah a nih danah sorkar chu dik lo taka Speaker Mondal hum tumah a puh bawk.