Meghalaya-in ADC term a pawtsei

Meghalaya sorkar chuan Khasi Hills Autonomous District Council (KHADC) leh Jaintia Hills Autonomous District Council (JHADC) term chu thla ruk dang atan a pawtsei leh. Hetih lai hian state Governor chuan council pahnihah hian March 5, 2025 ah inthlan zo fel hman vek turin a ti thung.

Deputy Chief Minister in charge of the District Council Affairs (DCA) department, Prestone Tynsong chuan ADC term pawhsei a nih thu hi sawiin, he sorkarin in thlan pumpelh a tum vang a ni lo a, inthlan neih tur atana inbuatsaihna hun thawl zawk an neihna tur a ni tih a sawi.

Tynsong chuan a ṭul dan azirin Govenor chuan he Autonomous District Councils (ADCs) term hi thla 12 a pawtsei thei a ni, a ti. Kumin kumtir lam khan JHADC leh KHaDC term hi thla ruk atan pawhsei a lo ni tawh bawk.