NE-a thlai tharchhuah 7 GI registry-ah chuang

Hmarchhak biala thlai tharchhuah chi sarih chu geographical indication (GI) registry-ah telh a ni.

Heng thlaite hi- Assam Karbi Anglong sawhthing, Assam Tezpur litchi, Meghalaya Khasi serthlum (Mandarin), Sikkim elaichi lian (Large Cardamom), Mizoram hmarcha tê, Manipur Kachai nimbu, Tripura lakhuihthei (Queen Pineapple), Arunachal Pradesh serthlum leh Nagaland thing tomato te an ni.

North Eastern Regional Agricultural Marketing Corporation Limited (Neramac) chuan heng thlai leh thei te hi hmarchhak biala tharchhuah ngei a ni, tih chhinchhiah nan leh a humhalh nan GI registry-a telh tur hian hma a la a, North Eastern Council chuan hemi atan hian a senso a tumsak a ni.

Neramac chuan GI registry-a hmar­chhak thlai tharte telh a nihna hian tualchhung thlai te a humhalh bakah India ramchhung leh rampawna hralhchhuahnaah hmarchhak bial thlai tharchhuah tia chhinchhiahna a neih theih phah dawn a ni, a ti.