LPG connection lem Assam-ah a tam ber

Oil Ministry-in a chhin­chhiah danin Assam chu hmar­chhak biala Liquefied Petroleum Gas (LPG) connection lem tamna ber a ni.

India rampumah Uttar Pra­desh-ah connection lem a tam ber a, Maharashtra chu pahnih­na niin, Assam leh Telangana-in an dawt a ni.

Oil Ministry chuan connection lem hi multiple connections tiin a chhinchiah a, eirawngbawlna gas consumer a chhinchhiah zat aṭangin multiple connection hi 7.2% an awm a ni.

Oil Ministry record chhin­chhiah danin India rampumah March 1, 2015 thleng khan mul­ti­ple LPG connection hi mak­ta­duai 12.7 a awm a ni. Mul­ti­ple connection zawng zawngte hi block vek an ni tawh a, heng zinga consumer 173,000 chuan an connection an cancel bawk.

Assam-ah hian LPG connection lem hi 999,000 a awm a, block vek tawh an ni.