Tripura-in sahuan tihchangtlun nan vbc 1 a pe

Tripura sorkar chuan Agartala, Sepahijala sahuana damlohna avanga keitê pali an thih hnuah sahuan tihchangtlun nan cheng vaibelchhe khat a pe.

State Forest Principal Secretary V K Bahuguna chuan he thu hi Thawhṭanni khan a sawi a, state sorkar chuan keitê pali thi chu a ngai thutak hle, a ti a, ramsa te awmna changtlung zawk siam a tum bakah sahuan tlawhtute nena inhnaih lutuk loa an awm theih nan remchang siam a tum thu a sawi bawk.

‘Clouded Leopard National Park’ tia sawi, Sepahijala sahuanah hian ramsa hrang hrang chi 46 zingah ramsa 535 an awm a, heng zinga chi 29 hi an ral hlauhawma awm (endangered species) an ni.

Ramsa natna chi khat, Feline babeisiosis hri leng chu sahuan enkawltute timangangtu a ni a, hetihlai hian Bahuguna chuan pest control programme kalpui a nih tawh thu a sawi.

Wildlife authority of Tripura chuan kum 10 chhunga Sepahijala sahuan tihchangtlunna atan nikum khan project cheng vaibelchhe 25 hu, Central Zoo Authority of India-ah a thehlut a, mahse Central Zoo Authority he project kal­tlang hian kum khatah 20% fund a pe ṭhin a ni.