Nawrh huaihawttute'n CM Ibobi lim an hal

Police officer-in mi pakhat kut a thlak avanga lungawi loa nawrh huaihawtte'n Thawhṭanni khan Imphal-ah Manipur Chief Minister Ibobi Singh leh Deputy Chief Minister Gaikhangam-a lim an hal.

Imphal West district, Lamphel police station-a officer in-charge, Inspector Okram Dorendro Singh chuan March 22 khan a complaint thehluh bawhzui tura police station-a lenglut, Angou Phaomei (50) chu kut a thlak niin an sawi. Phaomei hian a fanu, Imphal West district, Lamboi Khongnang­khong-a hostel-a awm chu March 18-a hostel aṭanga a chhuah hnuah a chin a hriat tawh loh avangin Lamphel police station-ah hian complaint a thehlut a ni.

Phaomei-a kut thlaktu police officer chungah sorkarin action a lak loh avangin Thawhṭanni khan Gaipuinam venga lungawi lote chuan nawrh an huaihawt a ni.

Imphal-a Gaipuinam veng mipuite hian thilthleng bawhzuitu atan joint action committee an din a, police officer chuan Phaomei-a chu kut a thlak bakah a nupui pawh ṭawngkam mawi lo tak takin a hau zui niin an sawi.

Joint action committee chuan Pathiannia nawrh an lo huaihawt tawhah Inspector Okram Dorendro Singh chu a hna aṭanga a ban an phut bawk.