Assam-Meghalaya joint panel-in 'flood war' zirchiang dawn

Assam leh Meghalaya sokar chuan private universtity pawhin state pahnihte inrina tlang an rawt hniam avangin Guwahati-ah tuilian nasa tak a thlen phah nia sawi chungchang an zirchiang dawn. State pahnihte hian zirchian turin joint committee din an rel a ni.

Assam chief minister Himanta Biswa Sarma chuan University of Science and Technology, Meghalaya (USTM) chu Guwahati-a tuilian thlen tirtuah a puh.

He university hi Guwahati chhim lam ramri bul, Meghalaya-a Ri Bhoi district-a awm a ni.

August 5-a Guwahati khawpuia tuilian nasa tak a thlen chungchangah, Sarma chuan univeristy hian an campus-a structure thar sakna turin tlang bawk pali/panga chu an rawt hniam vek a, hei hian Guwahati leh a chhehvelah tuilian siamchawp a thlen tir phah a ni, a ti.

"A hma chuan ruah a sur pawhin Guwahati-ah hian muangchangin a luang lut ṭhin a, mahse USTM te thiltih avang hian tui luang lut hi a rawn chak ta a ni," tiin a sawi.

Meghalaya chief minister Conrad K.Sangma chuan Assam sorkarin private university a puhna chungchang zirchiang tur hian state pahnih chuan committee din an remti tih a sawi.

Kar khat chhungin committee hi siam felin, an buaina neih pawh chu an chinfel thuai an beisei tih a tarlang bawk.