Sikkim CM-in Japan palaite Infrastructure project sawipui

Sikkim chief minister Prem Singh Tamang chuan September 5, 2024 khan Japan International Cooperation Agency (JICA) palaite hmuin, Sikkim-a infrastructure project chungchang a sawipui.

JICA palaite hi Sunouchi Tatsuhiko, Japan-a South Asia Division 1 senior director in a ho a, CM Tamang hnenah hian an agency buaipuina hnuaiah Sikkim-a infrastructure lama hma an laknaa hmasawnna an neih dante an hrilh ve bawk.

JICA infrastructure development hnuaia kawng leh lei siamna tur, road and bridges deparmtent-in sorkar laipuia Department of Economic Affairs (DEA) hnena Preliminary Project Report (PPR) a thehluh chungchangte pawh an sawilang a ni.

CM leh JICA palaite chuan infrastructure project siam chu ram leilung tichhe lo thei ang bera kalpui a, tualchhung mipuite mamawh phuhrukna tura duan a ni tur a ni, tiin an pawmtlang bawk.