Assam CM leh Minister-te phone bill-ah nuai 35

Assam Chief Minister, Minister leh Parliamentary Secretary te telephone bill-ah Assam sorkar chuan kum 2011 aṭanga 2015 thleng cheng nuai 35 a seng.

Asom Gana Parishad (AGP) MLA Phani Bhu­shan Choudhury zawhna chhangin Parlia­mentary Affairs Minister Rakibul Hussain chuan he thu hi assembly ṭhutkhawmah Thawhlehni khan a sawi a, kum 2011 aṭanga 2015 thleng Chief Minister leh Minister te office tele­phone bill chu Rs 10,03,714 a nih thu leh hemi hun chhung veka an chenna-ina telephone bill chu Rs 21,21,600 a nih thu a sawi.

Hetihlai hian kum 2012 aṭanga 2015 thleng Par­liamentary Secretary te tele­phone bill chu Rs 4,56,475 a ni tih a tarlang bawk.

Kum 2011-2015 chhunga Chief Minister Tarun Gogoi-a office telephone bill hi Rs 85,189 a ni a, a chenna-in telephone bill-ah Rs 4,07,467 sen a ni bawk.

Kum 2011-2015 chhung­a Assam-a IAS officer te tele­phone bill belh­khawm chu Rs 20,29,423 a ni tih Parliamentary Affairs Minister Hussain chuan a tarlang bawk.