Hmarchhak state 5-ah Governor nghet awm lo

Hmarchhak state panga- Assam, Mizoram, Meghalaya, Manipur leh Tripura chuan Governor nghet an nei lo.

Heng state panga zinga pali hi Congress party rorelna state a ni a, Tripura erawh Left party sorkarna a ni thung.

State pasarih zingah Arunachal Pradesh leh Nagaland chauhin Go­vernor nghet an nei a, Arunachal Govenor Lt Gen Nirbhay Sharma (Retd) chu Itanagar-ah awmin, Nagaland Gover­nor Padmanabha Balak­rishna Acharya chu Kohi­ma-ah a awm bawk a ni.

Nagaland Governor Acharya hian Tripura leh As­sam a hmui tel a, tuna Utta­rakhand Go­ver­nor, Meghalaya Gover­nor hlui KK Paul-­a'n Manipur Governor hna a hmui tel bawk.

West Bengal Gover­nor KN Tripathi-a'n Megha­laya a hmui tel a, tun­ah hian Mizoram hmui tel tura ruat a ni leh a, vawiin hian lakluh a ni ang.

Tripathi hi thla riat chhunga Mizoram Gover­nor pasarihna tur a ni.

Uttarakhand Gover­nor aṭanga Mizorama sawn, Aziz Qureshi chu Mizo­ram Governor 15-na atan January 9 khan lakluh a ni a, kum 2017-a a term tawp tur ni mah se tun hnai khan ban a ni.

Qureshi hian Prime Minister Narendra Modi-a kaihhruai NDA sorkar chu Governor a nihna aṭanga ban luihtir tumah puhin Supreme Court-ah thubuai a thehlut a, SC chuan a thubuai ngaihtuahtu tur bench a la siam lo.