NLFT leh sorkarin inbiakna nei dawn

National Liberation Front of Tripura (NLFT) helpawl chuan vawiin hian inremna zawngin state sorkar leh sorkar laipui te inbiakna a neihpui dawn.

NLFT hotu Biswa­mohan Debbarma chuan tun hnai khan sorkar laipui chu inbiakna neihpui a duh thu a lo sawi tawh a ni.

State Home Depart­ment official chuan inbiakna neih tur chung­changah sorkar laipuiin state sorkar ngaihdan a zawh thu leh state sorkarin a lo remtih thu a sawi.

Sorkar laipui chuan NLFT helpawl hi All Tri­pura Tiger Force (ATTF) nen kum 1997 khan dan pawnah a lo hnawl tawh a, hemi hnu hian India ram aṭanga Tri­pura zalenna sualin, Bang­ladesh aṭangin India sorkar an do a ni.

Hetihlai hian ATTF hel eng emaw zat chu sorkar kutah an inpe tawh a, an hotupa Ranjit Debbarma pawh Border Guards Bangladesh te'n kum 2013 khan manin, India kutah an hlan tawh a ni.