Army convoy lambunnaah sipai 3 thi

Arunachal Pradesh, Tirap district-a army convoy lambunnaah Ningani khan sipai pathum an thi a, mi pathumin hliam a tuar.

Army official chuan he thu hi sawiin, sipai convoy a kal, mi paruk chu helpawl nia rin te'n an kahhliam thu a sawi a, a hnuah mi pathum chu an thi zui nghal a ni, a ti.

"Army convoy te hi Assam, Tinsukia district-a an hmunpui aṭangin Aru­nachal, Longding dis­trict pana kal an ni a, Tirap district-a, Topi hmun an tlan laiin, helpawl nia rin te'n an lo kap a ni," tiin official chuan a sawi bawk.

"Khaplang-a kaihhruai National Socialist Council of Nagaland (NSCN) helpawl te chu a army convoy lambuntu an nih kan ring a, NSCN-K te hian lambunaah hian inbiakna nei duh lo, United Liberation Front of Assam (ULFA) helpawlte an puih a ni thei bawk," a ti.