North Eastern Council-in Delhi-ah meeting nei dawn

North Eastern Council (NEC) chuan hmarchhak biala project hrang hrang kalpui meka fund pek­chhuah dan chungchang ngaihtuah turin April 9 leh 10 hian New Del­hi-ah meeting a nei dawn.

NEC thupuangtu Suresh K. Vatta chuan he thu hi sawiin, kum 2014, May thlaa Prime Minister atana Narendra Modi lakluh a nih aṭangin tun hi NEC meeting vawi hnihna tur a ni, a ti.

Meeting vawi khatna hi kumin January khan neih a ni.

NEC hi hmarchhak state pariat- Arunachal Pradesh, Assam, Manipur, Meghalaya, Mizoram, Nagaland, Tripura leh Sikkim hmasawnna chungchang ngaihtuahtu, advisory body a ni a, kum 1972-a din niin, hmarchhak state-a infrastructure hmasawnna lam a buaipui ber a ni.

Development of North Eastern Region (DoNER) Minister Jitendra Singh chu NEC chairman a ni a, meeting a kaihhruai nghal ang.

April 9-a meeting-ah hian official te an ṭhukhawm ang a, April 10 meeting-ah hmarchhak state pariat Chief Minister te an tel ang.