Sorkar laipuiin Tripura leh Manipur cadre hran a siam

Sorkar laipui chuan IAS, IPS leh IFS-ah Tripura leh Manipur tan cadre hran a siam a, state pahnihte tana officer a ruahman dan pawh a tidanglam bawk.

Sorkar laipui chuan Ma­ni­pur-ah Indian Ad­mi­nis­trative Service (IAS) officer 87 a dah a, Tripura-ah 73 a dah bawk.

Manipur hian Indian Police Service (IPS) offi­cer 70 leh Indian Forest Service (IFS) officer 42 a chang a, Tripura-in IPS officer 54 leh IFS officer 54 a chang thung.

Department of Person­nel and Training (DoPT) secretary kaihhruaina hnuaia committee dinin zirchianna a neih hnua rawtna a thlen dan zulzuiin Tripura leh Manipur cadre hi ṭhenhran an ni a, committee chuan all India services officer chu tuna an posting a zirin, ‘as is where is’ basis-a an awmna tur ruahman leh sem darh a rel a ni.

Cadre-a la dah loh officer te chu cadre hlui - joint Manipur-Tri­pura cadre-a an pos­ting zulzuiin Tripura emaw Manipur emaw cadre-a dah a ni ang, tiin committee thuchhuak chuan a tarlang.