Manipur-in anti-terrorist school hawng dawn

Manipur sorkar chuan Assam, Cachar district ramri epa Jiribam sub-divisional huam chhungah Counter-Insurgency and Anti-Terrorist (CIAT) school a hawng dawn.

Chief Minister Ibobi Singh kaihhruaina hnuaia tun hnaia cabinet meeting neihah he thutlukna hi siam a ni a, CIAT school atan hian contract basis-a instructors cum trainer 15 lak a tum bawk.

Instructors cum trainer atan hian sipai bang, ex­-servicemen lak an ni ang a, CIAT-ah hian Manipur Police te chu thla kaw chhungin commando training pek an ni ang.

State sorkar thupuangtu, CAF & PD Minister Moirangthem Okendro chuan instructors atan selection committee-in mi 19 aṭangin mi 15 a thlanchhuah thu a sawi.

Hetihlai hian state sorkar enkawl, Manipur-a Medical College hmasa ber, Jawaherlal Nehru Institute of Medical Sciences (JNIMS) Imphal chuan department pali-ah academic session 2015­16 aṭangin Post Graduate (PG) course hawnbelh a tum bawk. Hemi atan hian Medical Council of India (MCI) chuan phalna a pe tawh a ni.

JNIMS Imphal-a PG course atan hian kumin May 31 thleng admission hawn tum a ni. PC course thar hawng tur department pali te hi- Pathology, Micro­biology, Pharmacology leh Bio-chemistry te an ni a, department tinin PG seat hnih ṭheuh an nei ang. Seat 50% chu central pool atan dah a ni ang a, 50% chu Manipur mite tan dah a ni bawk ang.