Arunachal Pradesh-in Khualzinte luh phal dawn hnai

Arunachal Pradesh chief miniter Pema Khandu chuan  an state chu khualzinten an tlawh theih tura hawn a ni thei dawn hnai tawh niin a sawi. 

Sorkar laipuiin hmarchhak bial tourism tihchangtlun dan tur ngaihtuaha virtual programme, 'Destination North East-2020' festival a buatsaihah Khandu chuan hei hi sawiin, Covid-19 hri leng vanga thla ruk chhung an state inkharkhip chu a bikin tourism sector chuan a tuar nasa hle tih a sawi a, mi tam tak eizawnna a nghawng a, state sum hmuhna tam tak pawh a kiam a ni, a ti. 

Khandu chuan, "Tourism hi sum kan hmuhna pawimawh tak pakhat leh, mi tam takin hna an hmuh phah bawk. Heng zawng zawngte uluk taka kan ngaihtuah hnuah, boruakin ziaawm lam a pan zel chuan October hnu lamah chuan tourism sector hi  hawngin, khualzinte lo luh kan remti tawh ang," tiin a sawi.