Assam CM hlui a thi

Assam-a hmeichhe chief minister hmasa ber leh awmchhun, Syeda Anwara Taimur chu kum 84 mi niin Thawhṭanni khan a thi. Syeda Anwara Taimur hi hun eng emaw chen chu Australia-a a fapa bulah a awm tawh a ni. Thawhṭanni khan cardiac arrest vangin a thi a ni. 

Kum 1980, December 6 aṭanga June 30,1981 thleng  khan Congress sorkarah Chief Minister a ni a, hemi hnu hian Assam chu President's Rule hnuaiah thla ruk chhung a awm zui a ni. Kum 1983-1985 chhung khan PWD leh agriculture minister a ni leh bawk. 

Kum 2011-ah Congress party chhuahsanin,  All India United Demo­cratic Front (AIUDF) a zawm. Prime minister Narendra Modi leh hruaitu hrang hrangten Taimur an ui thu hi sawiin, Assam hmasawnna tura a thawhnate hriatreng a nih tur thu an sawi.