Meghalaya : SCRCR chairperson ruat danah KHNAM in sorkar a dem

Meghalay-a Khun Hynñiewtrep National Awakening Movement (KHNAM) chuan State Commission for Protection of Child Rights (SCPCR) chairperson thar ruat chungchangah state sorkar chuan thuneihna dik lo tak hmanga puhin, na takin an sawisel.

Meghalaya sorkar hian chief minister Conrad Sangma farnu, Agatha K. Sangma chu SCPCR chairperson thar atan a ruat a ni.

KHNAM working president Thomas Passah chuan sorkar chu naupangte hmakhua aiin politics lama hamṭhatna ngai pawimawh zawkah a puh a, Agatha Sangma ruat a ni hi chhungkaw induhsakna lantirna chiang tak a ni tiin, thu neihna hmang dik loah a puh bawk.

Chairperson ni thei turin Sangma chu a tling tawk em tih zawtin Passad chuan, sorkar thuchhuakin a tarlan danah chairperson ni tur chuan mi zahkai leh naupangte hmakhua ngaihtuah mi an ni tur a ni, tiin a sawi.

Passah chuan NDA ṭangrual sorkar hnuaia party dangte pawh hemi chungchanga ngawih an chuh avangin a sawisel bawk a, sorkar hna laknaah hamṭhatna an dawn ve vek avanga thu nei ngam loah a puh. KHNAM chuan sorkar chu ngaihtuahna seng ṭha leh tur leh, politics aia naupangte hmakhua ngai pawimawh zawk turin a ngen a, hetianga thil tih hian commission zahawmna a tih bawrhban bakah naupangte hmalam hun a ti chhe thei, a ti.