Assam school education board SEBA & AHSEC te chhunfin

Assam sorkar chuan Secondary Education Board of Assam (SEBA) leh Assam Higher Secondary Education Council (AHSEC) te chu Assam State School Education Board-ah chhunfin an nih thu a puang.

Assam Governor-in a sign hnan, he thutlukna pawimawh tak an siam hi kum zabi 21-naa zirna in a mamawh dan anga kalpui an tumna a ni.

R.C Jain, retired IAS Officer chu Assam State School Education Board Chairman atan kum thum (3) chhung emaw kum 70 anih thleng emaw ruat a ni. ASEBA Chairman a nih mekna chu a tawp nghal bawk.

Assam chief minister Himanta Biswa Sarma chuan Education Board pahnih chhunfin chu zirna kawnga hmasawnna kailawn pawimawh tak a nih tur thu a sawi. "He hmalakna hi National Education Policy 2020 nen inzul niin, education system hlawmkhawm ṭha zawk leh ṭangkai zawk siamna kawngah a pui thei dawn a ni," tiin a sawi.

Board chhunfinna tur duangtu, Assam State School Education Board Act, 2024 board thar siam tak hnenah hian mawhphurhna leh thuneihna a pe nghal a ni.