Higher Education-ah zirlai hmeichhia in ziak lut an pung : Tripura CM

Tripura chief minister Manik Saha chuan Ramakrishna Mahavidyalaya, Unakoti district in platinum jubilee an lawmna a hmanpuinaah, 2024-25 academic year-ah an state-a higher education ah zirlai hmeichhia in ziak lut an pun thu a sawi.

Chief Minister chuan a kaihhruai sorkar chuan kum 2022 aṭang khan hmeichhiate chu college level thlegin a thlawna zirna a pek thu a sawi bawk.

Kumin chhungin an state-a college-a zirlai hmeichhia in ziak lut chu 37,450 niin mipa 35,800 an ni thung tih CM chuan a sawi. Nikum 2023-2024 ah khan degree college-a zirlai hmeichhia in ziak lut hi 35,650 niin mipa 35,800 a ni bawk tih a tarlang.

Saha chuan 'Beti Bachao, Beti Bachao' campaign an thlawp thu leh hamṭhatna hrang hrang duante pawh a taka an kalpui tur thu a sawi. Heng zingah hian hmeichhiate tan sorkar hna 33% hauh sakna te, hmeichhia te thlamuang taka an inthiarna tur bik 'pink toilets' an siamsak te, sorkar sumdawnna hmuna hmeichhe tana 50% an hauh sak thute a sawi. "Heng hmalakna atan hian hmeichhia te tan ṭan kan laksak nasat zia a lang a ni," tiin CM chuan a sawi.