Tripura sorkarin Rose Valley company hum a tum: Eptu hruaitu

Tripura-a eptu hruaitu Sudip Roy Burman chuan Chief Minister Manik Sarkar-a kaihhruai sorkar chu sum peipun tumte sum tihchingpen thubuai awrh mek, Rose Valley company hum tumah a puh.

Rose Valley hi Tripura-a Non-Banking Financial Company (NBFC) lian berte zing a mi a ni.

"Tripura sorkar chuan kum 2013-a Rose Valley company chhui tura CBI a ngen laiin, company hian cheng eng zat nge a tih­chingpen tih chiang takin a tarlang lo a, chhui chiantir tak tak an tum lo a ni," tiin Burman chuan a sawi.

Burman chuan, "Sara­dha chit fund scam hailan a nih hnua Assam sorkarin CBI chhuitir a tum hnuah chauh Tripura sorkar chuan state chhung­a NBFC hrang hrangte office a dap kual a, mahse action a la tak tak lo a ni," a ti.

Tripura eptu hruaitu chuan Chief Minister leh a minister te chu NBFC hrang hrangte leh Rose Valley company te programme hrang hranga tel ṭhinah a puh bawk a, Saradha Group-in tripura-a chanchinbu an tlangzarh ṭumin Chief Minister Sarkar pawh a tel a ni, a ti.