NHPC-in tuikhuah thlang lamah survey nei

Lower Subansiri hydroelectric project atana tui khuahna thlang lamah National Hydroelectric Power Corporation (NHPC) leh Assam Water Resources department chuan ṭangrualin joint survey an nei.

NHPC hian tuikhuah­in lui mawng lama nghawng a neih dan turte a zir­chian bakah erosion control atan an survey beh­chhanin

detailed project report a buatsaih nghal.

Lower Subansiri hy­dro­electric project kaih­hnawiha Joint Steering Committee (JSC) leh Technical Expert Committee (TEC) rawtna an siam angin survey hi neih a ni.

NHPC official chuan tuilian thleng thei laka invenna atan leh lei kalral tur venna atan Subansiri lui sir, vei leh ding lamah a danna siam a ṭul thu a sawi a, rawtna an siam leh detailed project report te chu Assam Core Group hnena an thehluh thu a sawi bawk.