Darkar 24 chhung India-Bhutan ramri khar

9th April, 2015

Bodoland Territorial Council (BTC) inthlan neih a nih avangin nimin khan Assam-a India leh Bhutan ramri chu darkar 24 chhung khar a ni.

Assam huam chhung Indo-Bhutan ramria International Border Gates te chu April 7 tlai lam dar ruk aṭangin nimin tlai dar ruk thleng khar a ni a, khualzin veivak leh lirthei tlante pawh dan vek an ni.

Hetihlai hian inthlanna thil duhawm lo a thlen loh nan BTC area- Baksa, Kokrajhar, Udalguri leh Chirang district-ahte chuan khauh takin venhimna kalpui a ni.