Meghalaya-a serthlum tharchhuah tihpun nan Israel-in pui dawn

Meghalaya serthlum thar, Khasi Mandarin tihpun nan Israel firm, ARGOS (Agri Projects) Ltd-in an puih tur thu State Horticulture Department thuchhuak chuan a tarlang.

India rama inkulh ARGOS (Agri Projects) Ltd-a an hotu David Ash­kenazy chu Meghalaya Horticulture Department-in thei tharchhuahna lama hmasawnna project kalpui tura an sawm hnuah ARGOS chuan Khasi Mandarin chi kui ṭiahna atan technology chankang zawk hmanna, nursery dinsak a tum a ni.

Khasi Mandarin hi tun hnai khan geographical indication (GI) registry-ah dah a ni a, Meghalaya ram aṭanga serthlum tharchhuah bik a ni tih finfiahna a ni.

ARGOS hian kum sarih chhung kalpui tur, Citrus Development Project chu hlawhtling takin Mizoramah a lo kalpui tawh bawk.