Assam: October 1 aṭangin khualzinte tan Kaziranga hawng dawn

Assam state-a awm, Kaziranga National Park and Tiger Reserve chu October 1 aṭang hian khualzinte tlawh theihin hawn a ni leh tawh dawn tih Park Director Sonali Gosh chuan a sawi.

Park hi hawn hlimah chuan tuilian avanga kawng dinhmun en chungin zin mite chuan jeep safari hmangin hmun thum chauh tlawh theih a la ni rih dawn. Jeep safari hi Kohora, Bajori leh Burapahar range ah te shift hnih – 7:30 am - 10 am leh 1:30 pm - 3 pm chhungin hman theih a ni ang.

Zin mite an tam hun lai hian park tlawhtute himna leh hun nuam tak an hman theih dan tur ngaihpawih a ni ang, tiin Ghosh chuan a sawi.

Kaziranga National Park hi a hmun a mawi avang leh thingkung leh ramsa chi hrang hrang an awm avangte, khawvel huapa a larpui samak ki khat nei awmna hmun a nih avang tein tlawhtu a ngah thei hle. Park hi kumtinin fur ṭan tir, May thlaah khar ṭhin a ni. Kumina tuilian nasa tak avang khan park-a ramsa 200 dawn an thi a ni.