Nagaland : Inter-ministerial central team-in leiminna hmun tlawh

Ministry of Home Affairs-a Joint Secretary (FFR), Anant Kishore Saran kaihhruai Inter-Ministerial Central team chuan Pherima area-a leiminna hmun chu September 10, 2024 khan an tlawh.

Central lam hian ruahsur nasa in lei tawlh leh leimin a thlenna hmun, National Highway-29 bakah Pherima, Pagala Pahar Tseiphema leh Piphema amite an endik a ni. Leimin vanga chhiatna tawkte inbiangbiakna an neihpui bakah, khawtlang hruaituten chhiatna thlen dan kimchang an lo hrilh bawk.

IMC team zingah hian Assistant Director Ranjana Saini, Ministry of Rural Development; Superintending Engineer MS Saravana Kumar, Ministry of Jal Shakti, CWC; Superintending Engineer Adelbert Susangi, Ministry of Road Transport and Highways leh Section Officer Atul Bamnai, Department of Expenditure, Ministry of Finance te an tel. An endiknaah hian Chumukedima Deputy Commisioner Polan John leh SDO (C) Medziphema Selemla S Sangtam ten an telpui a ni.

Nagaland chief minister Neiphiu Rio pawhin IMC team hi meeting neihpuiin, ruahsur tam tak avanga chhiatna thleng pawh a hmunah ngei chinfel dan an rel dawn tih a sawi.