Assam: NCT-in Pobitora Sanctuary-a hma lak dan chhui turin ti

National Green Tribunal (NGT) Principal bench chuan Assam-a Pobitora Wildlife sanctuary-a industry lama hmalakna leh a ram leilung tichhe thei zawnga hma lakna awm nia sawi chhui chiang tura joint committee din turin thupek a ti chhuak.

NGT hian tualchhung mite hnen aṭanga complaint an dawn bawhzuiin August ni 27, 2024 khan order an pass a ni. Complaint-ah hian leirawhchan rawhna hmun, cement siamna hmun leh lung lakna hmunte sanctuary zone-a siam a ni chu ngaihtuah ṭhat a ngaih thu an tarlang.

Utpal Saikia leh midang lehkha thawn atangin tribunal chuan industrialist Dilip Chhetri, helai hmuna leirawhchan rawhna hmun siam tumtu lakah suo-motu case an ziaklut a ni. Industry siamna tura hma lakna hi samak ki khat nei chi te, Indian buffalo, sazuk, sanghal, pangolins leh sava chi hrang hrang te tan a him dawnlo hle bawk a ni.

NGT chuan committee dinin, Ministry of Environment Forest and Climate Change, Assam State Pollution Control Board, Central Pollution Control Board leh The Principal Chief Conservator of Forest (PCCF), Wildlife, Assam aiawhte an tel. Committee in he hmun hi tlawha, thla khat chhunga thil thlen dan dik tak report thehlut turin a ti bawk.