Dik lo taka thil tite chu hrem lohin an chhuak lo ang: Gogoi

Assam Chief Minister Tarun Gogoi chuan National Register of Citizens (NRC), 1951 khawih chingpen chungchang media te'n tun hnaia an report chu thil dik a nih a rin loh thu sawiin, NRC official thil dik lo tite chu hrem loha chhuah an nih loh tur thu a sawi.

Chief Minister Gogoi chuan NRC khawih chingpen chungchanga thuthar thehdarhtute zawhna chhangin, NRC khawih chingpen chu thil theih a nih loh thu leh chutiang thil thleng sorkarin a hriatpui loh thu a sawi. Mahse Gogoi chuan NRC chu khawih a nih chuan pawikhawihtu chu hrem lohin a chhuak lo ang, a ti.

Senior advocate Upa­manyu Hazarika-a telna non-governmental or­ganization (NGO) pakhatin Assam. Kamrup dis­trict NRC khawih ching­pen a ni, tia tual­chhung chanchinbua an tarlan chu Ministry of Home Affairs (MHA) chuan thu puitlinga lain, chhuichiang turin Assam-ah MHA team tirh a tum a ni.

MHA Joint Secreta­ry (northeast) Shambhu Singh chuan NRC khawih chingpen chungchangah sorkar laipui pawhin complaint an dawn thu sawiin, chhui zui mek a nih thu a sawi bawk.