Assam : Hna lakna dik taka kalpui nan Public Examination Act siam

Assam sorkar chuan hna lakna tur recruitment exam buatsaiha langtlang leh dik taka kalpuina turin dan, Assam Public Examination (Measures for Prevention of Unfair Means in Recruitment) Act, 2024, a siam thu Nilaini khan Chief Minister Office chuan a sawi.

CMO in a tarlan danin, danin a phal loh thil ti lui an awm chuan kum 10 chhung lung in tan emaw cheng nuai 10 thleng chawi tir theih a ni. Dan phal loh thil ti te hi a hnu leh zela an exam pawh khapsak an ni dawn bawk a ni. He dan hi sorkarin hna thawk tur laknaa mi thiam leh tlingte chauh lak an nih theihna tura a hmalakna a ni.

Assam chief minister Himanta Biswa Sarma chuan September 8 khan District Commissioner leh Superitendent of Police te chu meeting neih puiin, September15 aṭanga Grade III leh Class IV tana ADRE 2024 exam buatsaih tura hma lak dantur an rel. Chief minister chuan felfai taka exam kalpui anih theih nan leh merit-based process hman a ṭangkai thute sawiin, District Commissioner tin te chu exam tluang taka kalpui a nih theihnan hma la turin a chah a, a ṭul ang zela exam-na hmun tlawh turin a chah bawk.