Manipur : CRFP camp beitua puh Meitei group lakah thubuai ziak lut

Manipur police-te chuan September 8, 2024-a Central Reserve Police Force (CRPF) camp, Laimaton Thangbuh khuaa mi beih a nih chungchangah Valley-a inkhuar, Meitei group lakah thubuai an ziak lut.

Police-te chuan Kangpokpi district-ah New Keithelmanbi police station -ah FIR ziak lutin, CRPF camp-a company commander chuan Valley-based armed group in September tlai dar 5:30 - 6:40 inkar khan an camp chu an pawng kah niin a tarlang. Camp beitute hi Meitei inlakhran duhtu pawl panga intelkhawm, KYKL mi leh sate nia sawi a nih thu police official chuan a sawi bawk. KYKL-ah hian Meitei pawl - UNLF(K), KYKL(O), PREPAK, KCP leh KYKL(S) te an tel a ni.

Camp beih a nih ṭum hian CRPF sipaite pawhin lo kap lehin, helpawl zinga mi pakhatin hliam a tuar a, a hnuah a boral zui nia sawi a nih thu official chuan a tarlang.