NRC chingpen chhui tur AASU-in lawmawm a ti

Ministry of Home Affairs (MHA)-in National Register of Citizens (NRC), 1951 khawih chingpen chhui chiang tura thutlukna a siam chu lawmawm a tih thu All Assam Students’ Union (AASU) chuan a tarlang.

AASU adviser Samujjal Bhattacharya chuan AASU leh pawl 27 te aiawha thu sawiin, MHA-in NRC 1951 record ṭhenkhat khawih chingpen a chhui tur chu lawmawm a tih thu a sawi.

Bhattacharya chuan pawikhawihtute chu na taka hrem a phut bawk a, NRC update kalpui mek endik turin district tinah Central observer dah a phut bawk.

Assam-a NRC update kalpui mek hi Supreme Court pawhin a enpui bawk a, tun hnai khan MHA leh Assam sorkar chu thla thum chhunga NRC update chungchanga an hmalakna report theh­lut turin a hriattir bakah NRC update nodal officer, Prateek Hajela chu a hrana status report thehlut turin a hriattir bawk.