Arunachal district ṭhenkhatah chauh AFSPA lekkawh a ni: Kiren Rijiju

Union Minister of State for Home Kiren Rijiju chuan tun hnaia sorkar laipui­in Arunachal Pradesh-a Armed Forces (Special Powers) Act, 1958 hman hun a pawhsei chu sawifiahin, state pumah AFSPA chu lekkawh a nih loh thu leh district ṭhenkhatah chauh hun bithliah neia pawhsei a ni, a ti.

"AFSPA hman hun pawhseina chu district ṭhenkhat helte hluarna hmunah chauh a ni a, helpawlte laka beihpui thlak zawh a nih hunah disturbed area-a puanna chu hlih a ni nghal ang," tiin a sawi.

Union Home Ministry chuan tun hnaia thuchhuah a siamah Assam ramria, Arunachal Pradesh district 12 te chu AFSPA, 1958 tlawhchhanin, disturbed area-ah a puang a ni.