Sikkim : PWD, BPL hmeichhia-te bus chuan man awm dawn lo

Sikkim sorkar chuan Nilaini, September 11 khan rualban lohna 40% tling chin leh, BPL category-a hmeichhia te an bus chuan man chu 100 per cent-a titlawmin, a thlawnin an chuang thei dawn tih a sawi.

State transports deparment-in hriattirna a tih chhuahah, he ruahman na hian state chhung leh state dang nena inkar service pawh a huam tel dawn tih a tarlang.

He ngaihhnathiamna hmang tur hian PWD (persons with disability) te hian Unique Disability ID card, sorkar laipuiin a pek chu an neih a ngai thung.

BPL category-a hmeichhia te chuan Directorate of Economics, Statistics, Monitoring and Evaluation te certificate siam chu an neih a ngai ve bawk ang.