Manipur minister chenna inah bomb a puak

Manipur veterinary & animal husbandry and transport minister Khashim Vashum chenna in, Ukhrul's Hamleikhong area-ah Inrinni, September 14, 2024 zan khan bomb a puak.

Vanneihthlak takin bomb puah lai hian minister hi a inah hian a awm lo a ni.

Bomb puahna hmunah hian police-te kal nghalin, minister in leh a chhehvel enfiahin, pawikhawihtute an chhui zui nghal bawk.

Hetih mek lai hian Kakwa Naorem Leikai-a chhiatna thleng avangin Joint Action Committee (JAC) chuan Inrinni zanlai aṭang khan darkar 24 awh nawrh an huaihawt bawk. September 11 khan Sanjita Devi chu an chenna in bul feet 10 leka hlaa police-ten tear gas an kah avangin thisen sang hlauhawm tak neih phahin, a naupai thla kaw mi a chan a ni. Regional Institute of Medical Sciences (RIMS) panpui niin a nau pai hi an chhan hman lo a, amah hi ICU-ah la awmin a dinhmun a ṭha lo hle. He thil thleng vang hian state chhung hmun hrang hrangah nawrh huaihawt niin, kawngpuite dan a ni a, Indo-Myanmar Highway pawh dan tel a ni. Nawrh huaihawtte leh security force-te inkarah pawh buaina a chhuak bawk a ni.