Nagaland : Mon district-a inbeihna thlenga sipai thubuai neih ti tawp

Supreme Court chuan kum 2023, December 4-a Mon district, Nagaland-a sipaite silai hmehpuaha civil mi 13 an thih chungchangah sipaite laka thubuai siam chu Thawhṭanni khan a titawp.

Court chuan he thil thleng kaihhnawihah armed force lakah FIR thehluhte chu a hnawl a, hemi rual hian internal disciplinary action lak chungchang chu sipaite kutah a dah bawk.

Nikum December 4 khan 21st Para Special Forces-a Army unit hian Oting khuaa lungalhthei khura thawk, truck-a chuangte chu helpawl emaw tiin an kap a, a hmunah civil mi paruk an thi a ni. He thil thleng avanga tualchhung mite leh security force-te inkarah buaina chhuak zuiin, civil mi pasarih leh sipai pakhat an thi a ni. Sipaite chet dan hian dem a hlawh zui hle a, state chhunga sipai hnena thuneihna sang pekna, Armed Forces Special Powers Act titawp tura nawrna pawh nasa takin a thleng zui a ni.