Tripura-in central team rawtna kalpui

Tripura sorkar chuan hmarchhak state dangte nena khaikhina an state chhunga Covid-19 thihpui rate sang bik leh, recovery rate a hniam bik chungchanga central team-in hmalakna tura rawtna a siamte chu

a kalpui ṭan. 

Sorkar report aṭanga a lan danin, Tripura hi hmarchhak state pariat zingah Covid-19 thihpui rate sanna ber niin 1.10% a ni a; hri kai dam tawh recovery rate hi 74.54% a ni bawk. State chhunga hri kai an pun chak leh, hripui thihpui an tam avangin thil awmdan enfiah leh hmalak dan tur ngaihtuah pui turin central team chuan ni kua chamin Tripura hi an tlawh. Sorkar hma lak dan hrang hrangte an enpui a, hemi hnuah  hri dona kawnga chak leh ṭha zawka hma lak turah rawtna te an siam nghal a ni. 

Health and Family Welfare Department-a additional chief secretary in-charge Sanjay Central team hian union health ministry leh state sorkar hnenah rawtna 50 zet thlenin, Tripura-a hri leng dona kawnga fel tawk lo nia an hriatte an tarlang bawk. Report an thehluhah hian death audit review committee a awm loh thu te sawiin, district hospital infrastructure thuam ṭhat a ngaih thu te, kum upa lam leh natna benvawn neite thlithlai uluk zual an ngaih thu te, hri kai tam zualna hmunahte 100% test neih a ṭul thute an sawi. Hei bakah hian  mipui nawlpui bakah health worker-te pawh Covid-19 chungchang chiang zawka inhrilh leh inzirtir te a ṭul thu sawiin, central team chuan sorkarin hri laka invenna tura kaihhruaina a siamte zawm ṭha tur te, face mask hman a pawimawh ziate chu nasa zawka mipui zirtir turin state sorkar a ngen a ni.