Assam: Guwahati-ah gutkha phur truck 48 man

GST Commissionerate chuan Assam khawpui, Guwahati khaw dai femah Delhi aṭanga lut, gutkha phurtu truck 48 man a nih thu a puang.

Gutkha an man hi cheng vaibelchhe tel man a ni a, a phurtu truck-te hian document pawimawh an nei loa, dan phal loha phurh luh niin relah an rawn thawn a ni.

GST chuan dan phal loha bungrua lak luhte chhui chiang tur hian team paruk a din a, ni hnih chhung an zawn kual hnuah, gutkha phurtu truck-te hi Kamrup district-a Mirza Railway Station-ah man an ni ta a ni.

Lirthei an mante hi Ganeshguri, Kar Bhawan-ah hren mek an ni. Truck pakhat zel hian GST dan angin penalty tax, 200% an chawi a ngai dawn a ni.