Meghalaya : Social media hmanga news thehdarh ṭhinte in register turin ti

Meghalaya sorkar chuan thuchhuah siamin, mimal leh pawl, social media chi hrang hrang hmanga chanchinthar thehdarh ṭhinte chu Directorate of Information and Public Relation (DIPR) ah in register vek turin a hriattir. In register lo emaw sorkar thuchhuak zawm lo emaw chu dan hmanga hrem theih an ni ang.

State sorkar hmalakna hi social media hmanga sorkar dodalna lam leh, state chhung zahawmna leh dikna tibawrhbang thei thil te puandarh a nih ṭhin venna tur leh, dan leh thupek kenkawh ṭhat theihna tura a tih nia ngaih a ni.

He hmalakna hian mimal intih hmingchhiatna emaw zirna hmun tih hminghliauna emaw lam social media-a puan darh tur lakah a veng dawn bawk a ni.

Sorkar thuchhuakin a tarlan danin Meghalaya Public Communication Policy 2024 zulzuiin mimal leh pawl, Meghalaya chhunga social media kaltlanga thu puang darh ṭhin, DIPR hnuaia la in ziaklut lo te an nihna kimchangte thehlut vek turin a ti a ni.