M'laya-in mining rules siam turin thuneihna a nei: MP Pala

Lok Sabha MP Vincent H Pala chuan Meghalaya-in Minerals (Development and Regulation) Amendment Bill, 2015, (MMDRA) tlawhchhana mining rules siam tura thuneihna a neih thu a sawi.

MMDRA hi thla hmasa khan Parliament-ah pass a ni a, President pawhin a pawmpui tawh a ni.

Parliament chuan MMDRA Clause 9 a amend thu sawiin Pala chuan Fifth leh Sixth Schedule huam chhungah state sorkar te chu mining rules siam phalsak an nih thu a sawi.

Hetihlai hian Parliament-in Movement for Indigenous People’s Rights and Livelihood (MIPRL) chuan Pala thusawi hi thudik lo a ni, tiin an sawisel tawh a, Meghalaya-a lungalhthei laichhuaktute tan beiseina dik lo a siamsak a ni, a ti.

MIPRL co-chairman Sing Mulieh chuan, "Lok Sabha MP Vicent H Pala sawi angin MMDRA amendment bill-ah mining rules siam nan state tinte hnena thuneihna pek a ni tih tarlan a ni lo," a ti.

MIPRL chuan Meghalaya MP dang, P.A. Sangma (Lok Sabha) leh Wansuk Syiem (Rajya Sabha) te chu MMDRA amend chung­changah an ṭanhmun tichiang turin an ngen bawk.