Zalenna sualtu Sing Syiem hriatrengna hun hmang

Khasi Students’ Union (KSU) te chuan Khasi tana zalenna sualtu U Tirot Sing Syiem thih champhaphak vawi 181 chu urhsun takin an hmang.

Sing Syiem hriatrengna hun hi Shillong-a Madan Iewrynghep, Laitumkhrah--ah hman a ni. KSU te chuan British rorelna hnuai aṭanga Khasi tana zalenna sualtute chu mi ropui an ni a, eng tikah mah an theihnghilh dawn lo tih an sawi. Hriatrenga hun hi Regional Party UDP leh KHNAM bakah UDP working president leh KSU hruaitu hlui Paul Lyngdoh te chuan an hmanpui a ni. Jawahar Navodaya Vidyalaya, Niangbari-ah pawh U Tirot Sing Syiem hriatrengna hun hi principal, zirtirtu leh zirlai naupangte chuan urhsun takin an hmang a, amah zahna an hlan bawk.

NKHD president Ferdynald Kharkamni chuan "Kan mihuai kaltate chanchin hian zirlaite nunah thu sawi mawlh rawh se, chu chuan hnam anga inpumkhatna ṭha zawk a thlen dawn a ni" a ti.

He ni pual hian Marathon buatsaih a ni a, mi 200 zet chuan km 20 a thui an tlan a ni. Hei bakah hian Tirot Sing Syiem hriatrengna puala Football tournament KSU Umtrew unit ten an buatsaih chu khelh a ni bawk. Tirot Sing Syiem hi Khasi lal zinga British laka zalenna sual hmasa ber niin, kum 1829 aṭang khan Khasi tan zalenna a sual ṭan a ni. January 13, 1833 khan British force te chuan an man a, Dhaka jail-ah dah niin, July 17, 1835 khan a boral a ni.