Tripura Electricity Corporation-in UBI-ah sum a puk dawn

Tripura Electricity Corporation Ltd. (TSECL) chuan sum lama an harsatna tawh mek sutkian nan Union Bank of India (UBI) cheng vaibelchhe 250 an puk tur thu a puang.

TSECL ten sum lama harsatna an tawh mek avang hian electricity generation company pahnih - OTPC leh NEEPCO te chu hnathawk thei loin an awm a ni. TSECL hian OTPC hnen-ah bill vaibelchhe 132 pek chhuah tur a nei mek a, NEEPCO hian TSECL aṭangin bill vaibelchhe 168 lak tur a nei bawk. Company pahnih ten bill an hmuh theih loh avang hian an chawlhsan rih a ni. Hemi chungchangah hian state sorkar chuan sorkar laipuiah ‘Uday’ hmangin pawisa puk a dil a, pek an ni lo. TSECL chuan kawng dang dapin Union Bank Of India aṭanga vaibelche 250 puk hi a tum ta a ni. UBI hian TSECL hnenah hian vaibelchhe 200 a pe phawt ang a, a bang vaibelchhe 50 chu kum thum hnuah a pe dawn a ni. TSECL chuan transmission line aṭanga an sum hloh 30% chu titlem tura hmalak nghal a nih tur thu an puang bawk.