JCILPS ten Document fel lo mi 47 dap chhuak

Manipur-a Joint Committee on Inner Line Permit Systems (JCILPS) te chuan Manipur chhunga National Highway leh a chheh vela Manipur leilung fa ni lo pem luta khawsa zuite dap chhuah hna an thawhnaah mi 47 an man.

JCILPS hruaitu BK Moirangcha chuan beihpui an thlak chhung hian Manipur-a pem lut, document nei mumal lo mi eng emaw zat an man tih sawiin, heng mite hi thawn haw zel an nih tur thu a sawi.

National highway-ah te hian lirtheia chuangte pawh document fel fai tak an nei em tih an enfiah sak a ni. Document dik lo leh felhlel hmanga Manipura cheng leh khawsa te chu State Labour Department-ah an in report a ngai dawn niin a sawi bawk.