Assam-ah Special Open School din a ni

Secondary Education Board of Assam (SEBA) chuan zirlai, High School zo loa chawl zui ta te leh chhan hrang hrang vanga school chawlhsante tan Special Open School an din thu a sawi.

Special Open School hi District 17-ah te din a ni a, hawn belh zel tum a ni. SEBA chuan zirlai, kum nga aia reilo lehkha zir chawlhsan tawh te leh chhan hrang hrang vanga school aṭanga hnawh chhuah te tan Special Open School hi din a nih thu an sawi. Class hi Pathianniah kal ṭhin a ni dawn a, zirlaite text book leh material te chu SEBA hian a tum sak vek dawn. Heng zirlaite hian subject thlan bik panga leh optional subject hmangin exam an hmachhawn ṭhin dawn a ni. Exam hi April-May thla chhungin neih
ṭhin a ni dawn a, subject ba neite chu October thlaah exam an beih leh phalsak an ni ang.

August 7 aṭang hian Special Open School hi a hmasa ber atan kalpui ṭan a nih tur thu Secondary Education Board of Assam chuan a tarlang.