Nagaland School Education-in zirna in 13 a khar tir

School Education Department, Nagaland chuan state chhunga private school 13-te chu ti tawp nghal turin a hriattir.

State DIPR thuchhuah chuan, school khar tura hriattirna hi December 15, 2023 a State Level Education Committee (SLEC) meeting-in 'No Objection Certificates (NOCs) an dawn loh avangin thutlukna an lo siam tawh bawhzuina a nih thu a tarlang.

School khar tura hriattirte hi Kohima district-ah panga, Mokokchung leh Zunheboto-ah pahnih ve ve, Phek , Longleng, Niuland leh Dimapur-ah pakhat ṭheuh an ni. Heng private school-te tih tawp tir an nihna chhan chiang an tarlang lo.