Tripura-in tuilian tuar mek

Tunlai hian Tripura chuan tuilian avangin harsatna a tawk mek a, chhiatna liam tham thleng erawh hriat a la ni lo.

Sepahijala district-a chhungkaw 1075 zet te chuan tuilian hi an tuar a, Agartala-Sabroom inkalpawhna National Highway chu tuilian hian a chimpil tawh a ni. Charilam leh a chheh velah chuan ni thum chhung vel zet inkalpawhna a buai tawh a, thlai chinn hmun eng emaw zat chu tuilian hian a chim tawh a ni.

Tuilian avanga chenna neilote tan Bishalgarh, Charilam leh Durlavnarayan-ah te relief camp sak a ni a, Sepahijala district thuneitute chuan chhungkaw 40 tan relief camp an siam sak bawk. Tripura-ah hian ruah nasa takin a sur a, Gomati, Manu leh Howrah lui te chu a lian chho mek a, thuneitute chuan mipuite chu fimkhur turin an chah.